ປະກາດ

ໃນວັນທີ 11 ມັງກອນ 2024 ທີ່ຜ່ານມາ ມະຫາວິທະຍາໄລ ສຸພານຸວົງ ພ້ອມດ້ວຍຄູ່ຮ່ວມໂຄງການ ອາກ​ຼີແຊັ​ດ (AGRISAT) ໄດ້ຈັດກອງປະຊຸມເຜີຍ​ແຜ່ ​ຜົນ​ຂອງ​ການ​ຈັດ​ຕັ້ງ​ປະ​ຕິ​ບັດຂອງໂຄງການຂຶ້ນ ຢູ່ທີ່​ຫ້ອງ​ປະ​ຊຸມໂຮງແຮມວັງທອງ, ນະຄອນຫຼວງພະບາງ, ໂດຍການໃຫ້ກຽດເປັນປະທານຂອງ ທ່ານ ຮອງສາດສະດາຈານ ປະລິນຍາເອກ ວົງປະສິດ ຈັນທະຄູນ ຮອງອະທິການບໍດີ ມະຫາວິທະຍາໄລສຸພານຸວົງ ທັງເປັນປະທານປະສານງານໂຄງການ. ໂດຍມີຜູ້ເຂົ້າຮ່ວມ 60 ກວ່າທ່ານ ທີ່ມາຈາກບັນດາຄູ່ຮ່ວມໃນປະເທດເອີຣົບ (Belguim, Germany, Poland, Spain, Coatia), ພາກສ່ວນຈາກປະເທດກຳປູເຈຍມີ 3 ມະຫາວິທະຍາໄລ, ແລະ ສປປ ລາວ ມີ 2 ມະຫາວິທະຍາໄລ ພ້ອມດ້ວຍແຂກທີ່ຖືກເຊີນ ຈາກພາກລັດ ແລະ ເອກະຊົນ ລວມທັງນັກສຶກສາຄະນະກະເສດສາດ ແລະ ຊັບພະຍາກອນປ່າໄມ້ເຂົ້າຮ່ວມຢ່າງພ້ອມພຽງ. ໂດຍ​ໂຄງ​ການດັ່ງກ່າວແມ່ນມຸ່ງເນັ້ນກ່ຽວກັບການພັດທະນາຫຼັກສູດນະວັດຕະກຳການກະເສດທັນສະໄໝ ຜ່ານລະບົບຂໍ້ມູນຂ່າວສານທາງພູມສາດ (ການນຳໃຊ້ໂດຣນສຳຫຼວດ) ໃນພາກພື້ນອາຊີ ຕາເວັນອອກສ່ຽງໃຕ້ ສຳລັບສະຖາບັນການສຶກສາຊັ້ນສູງ ໃນ

ວັນທີ 24 ມັງກອນ​ 2024​ ທີສະໂມສອນໃຫຍ່​ ມະຫາວິທະຍາໄລສຸພານຸວົງ​ ໄດ້ມີພິທີເປິດກອງປະຊຸມໃຫຍ່ຮາກຖານກຳມະບານສຳນັກງານອະທິການບໍດີ ເພື່ອເລືອກຕັ້ງເອົາຄະນະບໍລິຫານກຳມະບານຊຸດໃຫມ່, ດັ່ງນັ້ນທາງການພົວພັນຕ່າງປະເທດໄດ້ສົ່ງ​ທ່ານ​ ປະລິດຖາ​ ດວງຈັກ​ ຫົວຫນ້າພະແນກແຜນການແລະຄຸ້ມຄອງໂຄງການ​ ລົງສະມັກເລືອກຕັ້ງເພື່ອຊິງໄຊໃນຄັ້ງນີ້ ຜົນການເລືອກຕັ້ງແມ່ນທ່ານສາມາດຜ່ານສຽງມະຫາຊົນຕິດຫນືງໃນສາມຂອງຄະນະ ເພື່ອເຂົ້າໄປບໍລິຫານຮາກຖານກຳມະບານສຳນັກງານອະທິການບໍດີສຶບຕໍ່ໄປ​ ຂໍຊົມເຊີຍ IRO​ NEWS​ REPORT WWW.IRO-SU.EDU.LA

ວັນທີ 10 ພະຈິກ​ 2023​ ທີສະໂມສອນໃຫຍ່​ ມະຫາວິທະຍາໄລສຸພານຸວົງ​ ໄດ້ຈັດການເຜີຍແຜ່ທຶນການສຶກສາ ລະດັບ​ປລິນຍາຕິ,​ໂທ,​ ເອກ,​ ຂອງກຸ່ມປະເທດເອີຮົບ​ ໂດຍການນຳຂອງທ່ານ ນາງ​ jehanne hirard ປະເທດຝຣັ່ງເສດ ແລະທີມງານ ໄດ້ລົງມາໃຫ້ຂໍ້ມູນ ແລະ​ແນະນຳແນວທາງເພື່ອສະມັກທຶນ ເປັນກຽດເຂົ້າຮ່ວມງານຄັ້ງນີ້ໂດຍ ທ່ານ​ ຮສ.​ປອ.​ ວົງປະສິດ​ ຈັນທະຄູນ ຮອງອະທິການບໍດີ,​ ຜູ້ບໍລິຫານ, ຄະນະອາຈານ, ນັກສຶກສາ​ ແລະແຂກຜູ້ມີກຽດ

ຈຸດປະສົງຂອງບົດບັນທຶກຄວາມເຂົ້າໃຈສະບັບນີ້ ສ້າງຂຶ້ນເພື່ອເປັນບ່ອນອີງໃນການຮ່ວມມືດ້ານວິຊາການທີ່ຕິດພັນກັບວຽກ ການຮຽນ-ການສອນ, ການຍົກລະດັບພະນັກງານ ຄູ-ອາຈານ ແລະ ນັກສຶກສາຂອງສອງສະຖາບັນການສຶກສາ. ບົດບັນທຶກຄວາມເຂົ້າໃຈສະບັບນີ້ແມ່ນນໍາໃຊ້ສະເພາະການຮ່ວມມື 02 ຝ່າຍທີ່ໄດ້ຕົກລົງເປັນເອກະພາບກັນ ດັ່ງນີ້: ທັງສອງສະຖາບັນ ສະໜັບສະໜູນເຊິ່ງກັນ ແລະ ກັນໃນການແລກປ່ຽນຖອດຖອນບົດຮຽນທາງດ້ານວິຊາການ 1-2ຄັ້ງ/ປີ, ພ້ອມທັງ ການສົ່ງເສີມ ແລະ ນໍາສະເໜີຂໍວິທະຍະຖານະຊ່ວຍ ສທຄ; ​ແລກປ່ຽນສື່ການຮຽນ-ການສອນເປັນຕົ້ນແມ່ນ ປຶ້ມຕໍາລາ, ຄູ-ອາຈານສອນໃນບາງວິຊາ, ຝຶກອົບຮົມ ແລະ ວຽກງານຄົ້ນຄວ້າວິທະຍາສາດ; ຮ່ວມກັນຊຸກຍູ້ສົ່ງເສີມການຝຶກງານຕົວຈິງໃນການນໍາໃຊ້ໂປຣແກມຈໍາລອງຕ່າງໆ ເຊັ່ນ: ໂປຣແກມສະມາດແບັງ, ໂປຣແກມບັນຊີວິສາຫະກິດ ແລະ ໂປຣແກມທີ່ກ່ຽວຂ້ອງກັບຫຼັກສູດການຮຽນ-ການສອນໃຫ້ແກ່ນັກສຶກສາຂອງສອງສະຖາບັນ 1-2 ຄັ້ງ/ປີ; ຈັດກິດຈະກໍາແລກປ່ຽນນັກສຶກສາ, 03 ອົງການຈັດຕັ້ງມະຫາຊົນ ແລະ ການເຄື່ອນໄຫວນອກຫຼັກສູດ 1-2 ຄັ້ງ/ປີ.

ຫ້ອງການ DAAD ປະຈຳນະຄອນຫຼວງຮາໂນ້ຍ, ສສ ຫວຽດນາມ, ແຈ້ງທຶນການຄົ້ນຄ້ວາວິໄຈສຳລັບນັກຄົ້ນຄວ້າຈາກປະເທດ CLMV (ກຳປູເຈຍ, ສປປ ລາວ, ພະມ້າ ແລະ ສສ ຫວຽດນາມ) Call for Applications for the academic year 2024/25 of the Hamburg Institute for Advanced Study. ໄລຍະການເຮັດການຄົ້ນຄ້ວາແມ່ນ 3 ຫາ 10 ເດືອນທີ່ ເມືອງ Hamburg ປະເທດເຢຍລະມັນ. ເງື່ອນໄຂ ຂອງ ຜູ້ສະໝັກແມ່ນນັກຄົ້ນຄວ້າທຸກສາຂາວິຊາ ແລະ ອາຊີບ ເລີ່ມແຕ່ລະດັບຫຼັງປະລິນຍາເອກ ເປັນຕົ້ນໄປ ຜູ້ສະໝັກຕ້ອງເປັນຜູ້ທີ່ມີຜົນງານອັນເປັນທີ່ຮູ້ຈັກລະດັບສາກົນ, ຕ້ອງມີຫຼັກຖານຢັ້ງຢືນຜົນງານ ແລະ ມີຄວາມສະໝັກໃຈເຂົ້າຮ່ວມກິດຈະກຳຮ່ວມກັບກຸ່ມນັກວິຊາການ, ນັກວິທະຍາສາດ, ນັກວິຊາຊີບ ທາງດ້ານວັດທະນາທຳຕ່າງໆ ທີ່ ເມືອງ Hamburg.ສຳລັບຜູ້ສະໝັກທີ່ຈະເຂົ້າຮ່ວມກິດຈະກຳທາງດ້ານວິຊາການຕ້ອງແມ່ນລະດັບປະລິນຍາເອກ.ຜູ້ສະໝັກສາມາດສົ່ງເອກະສານສະໝັກຮອດວັນທີ 31 ຕຸລາ 2022

ແຈ້ງທຶນເຝິກອົບຮົມຄອບພິວເຕີ ໂຮງຮຽນຄອມພິວເຕີລະດັບສູງ ຂອງ ອີຢູ-ອາຊຽນແຈ້ງທຶນເຝິກອົບຮົມໄລຍະສັ້ນ ທີ່ປະເທດໄທສະລັບນັກຄົ້ນຄວ້າ ຈາກ ບັນດາປະເທດອາຊຽນ ເຊິ່ງມີ ລາຍລະອຽດລຸ່ມນີ້: ເງື່ອນໄຂ ຂອງ ຜູ້ສະໝັກ ນັກຄົ້ນຄວ້າ ແລະ ພັກນັກງານໝຸ່ມນ້ອຍ ທີ່ມີຄວາມຮູ້ດ້ານຄອມພິວເຕ້ໃນລະດັບໃດໜຶ່ງ ໄລຍະເວລາການເຝິກອົບຮົມ 5-10 ທັນວາ 2022 ສະຖານທີ່ ມະຫາວິທະຍາໄລ ກະເສດສາດ, ປະເທດໄທ (ເຝິກເຊິ່ງໜ້າ) ຜົນໄດ້ຮັບ ·       ບໍ່ມີຄ່າລົງທະບຽນ ·      ທາງໂຄງການມີທີ່ພັກ, ອາຫານ ແລະ ຈ່ານຄ່າເດີນທາງພາຍປະເທດໄທໃຫ້ ·       ສຳລັບຜູ້ທີ່ມີຜົນງານວິຊາການທີ່ດີເດຫ່ນ ແລະ ບໍ່ສາມາດຈ່າຍຄ່າເດີນລະຫວ່າງປະເທດໄດ້, ທາງໂຄງການມີງົບປະທານໃຫ້ ກຳນົດວັນສົ່ງໃບສະໝັກ 31 ກໍລະກົດ 2022  ເງື່ອນໄຂ ແລະ ວິທີການສະໝັກສາມາດອ່ານໄດ້ທີ່ link ນີ້ ຂໍ້ມູນເພີ່ມເຕີມມີໃນ hpcschool.net ຫຼື ສົ່ງ email ຫາ info@hpcschool.net.